كانت رحمه تركب سياره مكروباس وتجلس في الكرسي الاخير وفجأه صرخت ان هاتفها قد سرق فاوقف السائق السياره وانزل كل الركاب وفتش هو الرجال وفتشت هي السيدات لكنه لم يجد الهاتف فصرخت رحمه قائله: انا متحركتش من مكاني والتلفون كان في ايدي يادوب حاطيته على الشنطه واخدت باقي الفلوس بصيت ملقتهوش ودورت على الارض على امل انه يكون وقع بس ملقتهوش.

السائق: يبقي محدش اخده غير واحد من الثلاثه اللي كانو جنبك يتفضلو يجو جنبي هنا
فاتي ثلاثة شباب ووقفو بجوار السائق
السائق: اللي اخد التليفون يعترف ويطلعو بالزوق والا هاخد العربيه كلها على القسم وهما هيطلعوه بمعرفتهم
الشاب الاول بغضب: بقولك ايه متوجعش دماغنا مش هتقرفنا على حتة تليفون صيني وزباله.
الشاب الثاني: رن عليه من تليفونك واللي يطلع معاه خده يا سيدي على القسم.

السائق: لاء يا حبيبي ما هو اكيد قفله يا ناصح.
الشاب الثالث: انت بتتهمنا من غير اي دليل وكده بقي احنا اللي نوديك القسم وبعدين تليفون ايه ده اللي نسرقه ماكلنا معانا تليفونات واحسن من تليفونها كمان.
السائق: بس كده خلاص انا عرفت مين اللي سرق التليفون
يا تري انتو كمان عرفتو مين اللي سرق؟

 
حل لغز الجريمة

نظر جميع الركاب الي السائق ينتظرون ان يعرفو من الذي سرق الهاتف امسك السائق الشاب الاول قائلا: انت اللي سرقت التلفون يا حرامي قول خبيته فين؟
الشاب الاول: كداب انت هتتبلي عليا انا مسرقتش حاجه انت عايز تلبسني مصيبه.
السائق: امال عرفت منين انه صيني يا حرامي؟
الشاب الاول: ما انا شايفه في ايدها وكان باين نوعه مش محتاجه فكاكه.

رحمه: بس انا حاطه في جراب مش مبين نوعه يبقي انت اللي سرقته هات تليفوني يا حرامي.
السائق: يا اما طلعو يا هناخدك على القسم وهما هناك هيخلوك تطلعو.
دفعهم الشاب اوقعهم ارضا وجرا مسرعا حاول احد الركاب اللحاق به لكنه كان سريع جدا فلم يلحقه وعاد الي السياره وكانت رحمه تبكي لضياع هاتفها.
احد الركاب: بس انت لما فتشتو ملقتش التليفون معاه.
راكب اخر: طب ما تبصو تحت الكرسي اللي كان قاعد عليه يمكن تلاقي تليفونك.

صعدت رحمه بسرعه للسياره وفتشت تحت الكرسي فوجدت الهاتف ففرحت وركب كل الركاب وتحركت السياره.

تاااابع ◄من الجاني