اتي رجل الي قسم الشرطه يبلغ عن سرقة بعض الاشياء من سيارته فهي سيارة حديثه وما سرق منها يسوي الاف الجنيهات اتي فريق للتحقيق في الواقعه مكون من ضابط وبعض العساكر دخل الضابط الي احد المحال بمكان السرقه كان به كاميرة مراقبه صورت كل ما حدث.

الضابط: شوف يا استاذ رضا الفيدو جاب ان في ثلاث عربيات وقفو جنب العربيه والكاميرا ماجبتش ايه اللي حصل لكن عرفنا اصحاب الثلاث عربيات وتم استدعاءهم وهيتم التحقيق معاهم.
رضا: طب ليه الكاميرا ماصورتش اللي حصل؟
الضابط: هي متوجها بعيد لكنها جابت ارقام العربيات اللي وقفوه مسافه هنا وهنسال اصحابهم ايه اللي وقفهم هنا.
رضا: طب ولو مجوش؟

الضابط: هيتم القبض عليهم ومتقلقش الثلاثه طلعو من سكان المنطقه واعتقد انهم جم خلاص
فاتي ثلاث سيارت توقفو ونزل منهم ثلاث رجال واتو الي الضابط
الاول: انا عصام مصطفي
الثاني: انا مراد حسين
الثالث: عمك شوقي.
الضابط: النهارده الصبح وانتو معادين من هنا وقفتو انتو الثلاثه هنا لمدة حوالي ربع ساعه ممكن اعرف ليه
عصام بتعجب: ليه اصلا السؤال هو ممنوع الوقوف هنا؟

الضابط: لاء عربية رضا اللي بيشتغل عليها اتسرق منها بعض الحاجات ومعروف ان العربيات الغاليه دي المسمار فيها بألفات عايز اعرف كل واحد وقف هنا ليه.
عم شوقي: العربيه عطلت وكانت هتولع فوقت شويه على ما بردت وحطيت لها ميه ومشيت.
عصام: الكوتش فرقع واضرتيت اقف اغيره ومشيت.
مراد: البطاريه نامت وكنت بقومها واول لما دارت مشيت على طول.
الضابط: انا كده خلاص عرفت مين اللي سرق الحجات من العربيه.

يا تري انتو كمان عرفتو؟

 
حل لغز الجريمة

قال الضابط لرضا: بتهيالي يا رضا الحرمي كشف نفسه بنفسه
رضا: تقصد عشان مفيش بطاريه بتقوم من نفسها من غير عربيه تانيه.
مراد بتوتر: لاء انا بطرية عربيتي جافه وبينفع.
الضابط: مش ممكن عربيتك حديثه يعني لازم تكون بطاريتها حديثه.
مراد بتفكير: كانت عندي ولما باظت بطرية العربيه غيرتها لها.
الضابط: العربيه اللي بطريتها بتفضي بتبطل لكن عربيتك مابطلتش اصلا يبقي انت كداب.

مراد: لاء انا مسرقتش حاجه.
الضابط: يا عسكري امسك الحرامي ده عشان نحبسه
رضا: لو رجعلي حجاتي انا ممكن اتنازل عن المحضر واسيبه يمشي.
الضابط: ايه رايك يا مراد.
مراد بتفكير: طب وايه ضماني.
الضابط: مفيش ضمان موافق روح هاتهم مش موافق هياخدك العسكري على الاسم واوعي تفكر تهرب لان في عسكري هيروح معاك.
مراد بتردد: موافق.
الضابط: طب يلا روح والعسكري هيروح معاك.

ذهب مراد والعسكري واحضر المسروقات واعادها لرضا وارغمه الضابط على دفع تعويض له.

تاااابع ◄من الجاني