قصص من الجاني الجريمة السابعة
الضابط: ايه رايك في حادث قتل وانتحار ولا فيه شبهات تانيه؟
الطبيب: هو لحد دلوقتي الواضح ان الزوج قتل زوجته وانتحر.
الضابط: طب تفتكر ايه السبب؟
الطبيب: اعتقد ضيقه ماليه لان مفيش ما يدل على خيانه زوجيه.
الضابط: طب كمل انت البحث بتاعك على ما افتش انا المكان واحقق مع الخدامين اللي في الشقه.
دخل الطبيب يكمل كشف البحث في الجريمه وبدأ الضابط يبحث عن اي دليل انهي البحث وبدأ التحقيق مع الخدم وكل الموجدين في المنزل
الخدم ثلاثه والسكرتير.
الضابط: سنيه انتي بتشتغلي هنا ايه ومن امتي؟
سنيه ببكاء: انا بنظف البيت واروق واروح اشتري الخضار وبقالي معاهم سنتين.
الضابط: كان في مشاكل بين المرحوم ومرته؟
سنيه ببكاء: انا معرفش حاجه يابيه انا في حالي بعمل شغلي واجيب الخضار واروح.
الضابط: تفتكري ان المجني عليه ممكن ينتحر لاي سبب.
سنيه ببكاء: لاء يا بيه ده راجل طيب وبيخاف ربنا ده حتى ادنا مكفأه لما ربنا كرمه في اخر مشروع وكان فرحان قوي.
الضابط: عم عبدو انت بتشتغل ايه هنا ومن امتي؟
عم عبدو: انا الطباخ والسفرجي وشغال هنا من سانتين.
الضابط: كان في مشاكل بين المجني عليه ومراته؟
عم عبدو: لاء يا بني كانو بيحبو بعض جدا وكانو سعدا حتى في الفتره اللي حصل لهم فيها ازمه ماديه كانت زوجته معاه ديما وبتصبره.
الضابط: تفتكر ان المجني عليه ممكن يكون انتحر فعلا ولا اتقتل؟
عم عبدو: لاء يا بيه ده كان راجل محترم وبيخاف ربنا وميعملش كده.
الضابط: سيده انت بتشتغلي ايه هنا ومن امتي؟
سيده ببكاء: بشتغل مديرة المنزل وبشتغل من سنتين.
الضابط: كان في مشاكل بين المجني عليه ومرته.؟
سيده: هما ماكنوش بيبينو لينا اي مشاكل بينهم واحنا مانعرفش عنهم حاجه.
الضابط: تفتكري ان المجني عليه ممكن ينتحر؟
سيده: لاء يا بيه ماظنش انه ممكن يعمل كده.
الضابط: رافت انت بشتغل السكرتير بتاع المجني عليه تفتكر انه ممكن يكون انتحر فعلا؟
رافت: لاء معتقدش لانه كان لسه كسبان مناقصه وكان فرحان قوي وحتي اخد مراته وحجز لها دهب جديد بدل اللي باعو من فتره.
الضابط: طب تفتكر ان اللي قتلو قتلو ليه؟
رافت: مش عارف بس ممكن يكون في ذهب تاني هنا في الفيلا وانا معرفش لانه كتوم جدا ومش بيعرف اي حد اسراره حتى الخدم اللي في البيت وهو كان ديما يقولي ماتتكلمش قدام حد عن شغلنا.
جلس الضابط مع الطبيب الشرعي وساله
الضابط: ها ايه رايك؟
الطبيب: جريمة قتل واللي قتله واحد من الشغالين
الضابط: ده راي انا كمان بس يا تري مين فيهم.
وانتو كمان يا تري عرفتو القاتل ولا لسه؟
حل لغز الجريمة
جلس الضابط يفكر في كلام الجميع ليجد الجاني وبعد التفكير وجد ان عم عبدو يعرف معلومات كثيره رغم تاكيد الجيع انهم لم يكونو يتحدثو امام الخدم مما اثار دهشته فاحضره وبدأ يستجوبه مره اخي
الضابط: عم عبدو انت عرفت منين انهم كانو سعدا وان مراته وقفت جنبه في محنته رغم انه كان كتوم جدا؟
عم عبدو بتوتر ولجلجه: هما قالو قدامي وهما بياكلو.
الضابط: كداب كل اللي في البيت اكدو انهم مش بيتكلم قدام حد انت اكيد كنت بتتصنت عليهم.
عم عبدو بخوف: وهتصنت عليهم ليه دول خيرهم عليا ومش ممكن اعمل كده.
الضابط: امال عرفت منين انهم هيجيبو دهب جديد؟
عم عبدو: هما قالو وهما بياكلو وانا سمعت انهم هيروحو يجيبو الدهب بدل اللي باعو.
الضابط: انت اللي قلتهم محدش غيرك يعرف انهم هيجيبو دهب
عم عبدو بلجلجه و محصلش يا بيه هما اصلا ماجبوش دول حجزو بس.
الضابط: كده انا اتاكدت انك انت القاتل هتعترف بالزوق ولا..
عم عبدو بانهيار: كنت غبي فكرت اني لما اعمل كده الكل هيفكرهم انتحرو واطلع منها
الضابط: خسرت حياتك عشان فكره غبيه.
عم عبدو بندم: الشيطان ضحك عليا.
تاااابع ◄من الجاني