في منزل كبير يعيش الحج رشوان شخص قاسي جدا ويتعامل مع كل اولاده بقصوه شديده ولكن كان الامر محتمل حتى زاد جدا في الفتره الاخيره حتى انه اصبح يضرب اولاده الرجال امام اولادهم وزوجاتهم كان المنزل من ثلاث طوابق يعيش كل واحد من اولاده في طابق ويعيش هو في الطابق الثاني ليستطيع ان يتحكم في الجميع في الصباح استقيظ غاضب يصرخ في الجميع.

رشوان بعصبيه: مين اللي دخل اوضتي انا عايز افهم؟وازي حد يدخل من غير اذني؟
نزل عنتر وزوجته فايزه من الطابق العلوي
عنتر: خير يا بابا في ايه؟
وصعد منصور وزوجته مديحه وابنته منار من الدور الاسفل
منصور: خير يا بابا في ايه؟
رشوان بعصبيه: مين اللي دخل اوضتي من غير اذني؟
اتت زوجة رشوان عفاف من السطح وقالت: ايه في ايه مالك بتزعق ليه؟
رشوان: انت اسكتي خالص انتي السبب مين اللي دخل اوضتي من غير اذني؟

عفاف: منار انا قولت لها تروق اوضتك عشان انت تعبانه.
رشوان بحده: روحي غوري عند اهلك ومتجيش تاني انت فاهمه.
عفاف: يعني دي اخرتها بتترودني.
عنتر: معلش ياماما، قاطعه رشوان بصفعه على وجه روح شقتك انت مراتك (ونظر الي منصور) وخد مراتك وبنتك وارجع شقتك انت كمان يلا غرو.
دخل كل واحد منهم شقته وحاولو منع والدتهم من الذهاب ولكنها اثرت على الذهاب.

جلس منصور في شقته حزين اتت زوجته وقالت: اسمع احنا لازم نمشي من هنا خلاص مبقاش ينفع قعاد ابوك لو عمل معاك اللي عمله مع اخوك مش هتعرف تكلم العيال.
منصور: انا عارف وخلاص باقي مبلغ صغير واشتري شقه بره فلازم نصبر لحد لما نجمعهم.
مديحه: بعد اللي حصل النهارده مبقاش ينفع خلاص لازم نمشي باي شكل.
منصور: ربنا يسهل.
كان عنتر حزين جدا وغاضب فربطت زوجته على كتفه وقالت: اسمع احنا لازم نمشي من هنا.

عنتر بحزن: هنمشي نروح فين ونجيب فلوس منين
فايزه: هو مش عمك قال لو ابوك طردك هيلزمه يساعدك ويجبلك شقه.
عنتر: يعني انزل اقول لابويا اطردني.
فايزه بمكر: لاء نخليه يطردنا.
وفي اليوم التالي خرج كل واحد منهم من شقته على صوت والدهم وهو يعلو بغضب شديد
رشوان بغضب: يعني امبارح تدخلو اوضتي من غير اذن والنهارده فلوسي تتسرق.
منصور: فلوس ايه يا بابا واحنا نعرف منين انك شايل فلوس جوا.

رشوان بغضب: امك ماهي فضحاني في كل حته خايفه لاتجوز عليها.
عنتر: محدش منا سمع من ماما اي كلام عن انك معاك فلوس اصلا.
رشوان: ليه ماتكونش واحده من حرمكم واعملو حسابكم ان الفلوس دي ما طلعتش هطردكو بره البيت.
فايزه: واحنا كنا نعرف منين ان عندك فلوس وبعدين محدش دخل شقتك اصلا.
مديحه: فلوس ايه دي اللي بتتكلم عنها هو ده مبلغ له قيمه عشان نسرقه.

رشوان بغضب: ما يخصنيش كل الكلام ده من هنا لبليل لوالفلوس مظهرتش انتو الاثنين هتطلعو بره
جلس منصور وعنتر معا يفكران من الذي سرق
ويا تري انتو كمان عرفتو مين اللي سرق؟

 
حل لغز الجريمة

جلس عنتر ومنصور يفكران من الذي سرق
عنتر: تفتكر يا منصور مين اللي سرق؟
منصور: مفيش غير واحده من الاثنين يا مراتي يا مراتك.
عنتر: والاثنين عندهم مليون سبب.
منصور: انا عرفت انها مديحه عشان قالت انه مبلغ ما يعملش حاجه.
عنتر: وانا كمان فهمت بس عارف انها معذوره اللي عملو ابويا محدش يحتملو.

منصور: اسمع المبلغ اللي معايا مايجبش شقه ملك لكن ممكن ناخد شقتين ايجار ونبقي نحوش بعد كده ايه رايك؟
عنتر: وانت ايه ذنبك الفلوس اللي محوشها تدفعها ليا.
منصور: عشان انت اخويا ومبقاش ينفع نتهان قدام حريمنا احنا نمشي من هنا وابونا هو ابونا بردو مش هنقطعه ولا حاجه هنيجي نزوره على طول ويمكن لما نمشي يليمها ويرجع امي.
عنتر: طب الفلوس بتاعت بابا هنعمل فيها ايه.

منصور: هنرجعها لبويا ونمشي عشان لو قعدنا اكتر من كده يا اما هنخسر ابونا يا اما بيوتنا هتتخرب.
عنتر: خلاص هندخل نكلم بابا وتدخل مديحه تحط الفلوس مكانها تاني وانت بقي حسابها بطريقتك
منصور: خلاص اتفقنا.
وبالفعل اعادو المال الي والدهم وفتره تركو المنزل.

تاااابع ◄من الجاني