لحظات وعاد محمود
محمود: جبتلكو كل المعلومات البطاقه باقي فيها سنه وتخلص ومفيش اي عقرات تاني باسمها
حسام: واحنا لقينا اسمها موجود هنا في الورق
محمود: موجود فين
حسام: كانت واحده قالت ابنها اختفي فجأة ومحدش عرف عنه حاجه وقالت انو كان بيحب بنت في العماره الي جمبهم واخر مره نزل وراها والبنت دي هيا صاحبة الاسم ده

محمود: طب وايه جاب القضيه دي هنا.

حسام: ام الولد اتهمت عم الولد بانو قتلو واخفي جثته عشان يحرق قلبها عليه ولما حققو معه وضعطو عليه اعترف انو فكر فعلا واتصل بملك الليل وبعد كده تراجع لانه في النهايه ابن اخوه
محمود: طب والبنت
حسام: البنت كانت مجرد جاره وسؤلها سؤال عادي مش تحقيق
يسري: فكرنا اننا نروح نسال عنها لما نتاكد من وجودها نتصل بيك تيجي بالحمله
محمود: فكره كويسه يلا بسرعه عشان مانضيعش وقت
حسام: يلا بينا بسرعه يا يسري.

خرجا الاثنان متجهين الي عنوان الفتاه وصلا الي امام باب العماره اتجها الي البواب
حسام: لو سمحت يا بلديتنا كنا عايزين نسال على واحده ساكنه هنا
البواب: اتفضل يا بشا
اخبره حسام باسم الفتاه
البواب: ايوه يا بشا ساكنه هنا هيا واخوها
حسام في تعجب: اخوها اسموه ايه وشكله ايه
البواب: معرفش اسمه ولا شكله مش بشوفه الا من ضهره ده شخص غريب كده بيظهر فجأه ويختفي فجأة وبحس انو مخيف زي ما يكون شبح.

يسري وحسام في نفس اللحظه: ملك الليل مؤكد هو
حسام: طب هما موجودين فوق ولا لاء
البواب: هيا موجوده انما اخوها لسه مجاش من شغله بيجي متاخر
يسري بتعجب: شغل ايه!
البواب بسخريه: يعني معرفتش اسمه هعرف شغله ازي.

حسام: عندك حق المهم انها فوق ووجه الكلام ليسري اتصل بسرعه بمحمود يجي وانا هفضل هنا ابتعد يسري قليلا وامسك الهاتف واتصل بمحمود: محمود طلعت البنت موجوده ومعها واحد غالبا هو ملك الليل تعالي بسرعه ومتشغلش السرينه ؛عشان ما يخدش باله واحنا هنا هنراقب المكان لحد ماتيجي
واغلق معه الخط واقترب من حسام
حسام: ربنا يسهل ويجي بسرعه
يسري: ما تيجي نطلع نقبض عليها ونستناه لما يجي ونمسكه.

حسام: ما هو ده الي ناوي عليه يلا بينا نطلع دلوقتي
يسري: ولا نستني محمود افضل بدل ما يجي يزعل
حسام: وايه بس الي هيزعلو بس لازم نطلع من غير دوشه
يسري: ماشي بس هندخل الشقه ازي
حسام: نطلب من البواب انه يطلع يخبط عليها ولما تفتح ندخل ونمسكها
وكانا قد ابتعدا عن البواب فاقتربا منه مره اخري
يسري للبواب: بقولك يا بلدينا
البواب: ايوه يا باشا
يسري: عايزين منك خدمه
البواب: اتفضل يا باشا.

يسري: عايزنك تطلع تخبط على شقة البنت الي سألناك عنها واحنا هنبقا جمبك ولما تفتح لك ندخل نقبض عليها
البواب: المشكله انها منعاني اني اطلع اخبط عليها ولما خبط عليها مره قبل كده زعقلي اخوها ومنعني اني اطلع تاني من غير ما تبعتلي مع انها ما عبرتنيش ولا فتحتلي
يسري: اه من الاخر مش هينفع
البواب: انا اسف يا باشا مش بأيدي
حسام: يعني لازم نستني الحمله مفيش حل تاني.

يسري موجهآ كلامه للبواب: بقولك يا بلدينا هو باب الشقه باب عادي ولا مصفح
البواب: مصفح
يسري: دي مشكله ده مش بيتكسر
حسام: بس ممكن يتخرم بالرصاص احنا معنا رصاص خارق للدروع هتتحل يعني بس محمود يجي هو والحمله ؛اتصل بيه شوفو لو قرب نهجم احنا على الشقه
امسك يسري الهاتف واتصل بمحمود: ايوه يا محمود انت فين
محمود: خلاص انا على راس الشارع الي انتو فيه جاهزين.

يسري: ايوه احنا هنطلع نهجم على الشقه على ما ترص العساكر عشان لما يجي ملك الليل نمسكه
محمود: انا وصلت وشايفك اهو اقفل جايلك
فتح محمود باب السياره ليخرج واذا بوابل من الرصاص ينهال على سيارت الحمله بطريقه عشوائيه فدخل الي السياره مره اخري واتصل بيسري كان يسري وحسام قد اسرعا الي باب العماره عندما سمع صوت الرصاص
يسري في الهاتف: محمود انت كويس.

محمود: ايوه اطلعو بسرعه اهجمو على الشقه ووقفو ضرب النار عشان نعرف نخرج وواضح انه فوق
يسري: ماشي ماشي وتحرك هو حسام بسرعه واخذا معهم البواب ليريهم الشقه ووصلا امام باب الشقه وقبل ان يضرب الرصاص على الباب قال البواب: استني يا باشا انا معيا مفتاح احتياطي للشقه هفتح لكم بيه
فنظر اليه حسام في تعجب: وما قولتش ليه من الاول لما قولنالك عايزين نطلع.

البواب: بصراحه كنت خايف من اخوها وكمان الباب المصفح ما يتخرمش من الرصاص.

حسام: معنا رصاص خارق للدروع وعموما مش مهم افتح ونتكلم بعدين فاخرج مجموعه من المفاتيح من جيبه وقلب بها حتى اخرج مفتاح وفتح الباب دفع حسام الباب بيده واختبأ خلفه وبداء ينظر يمينا وشمالا وكان متوقع ان ياتيهم وابل من الرصاص ولكن صوت الرصاص ياتي من الداخل فاشار ليسري بان يدخل ليؤمن الغرفه الاخري ليدخل هو الغرفه التي ياتي منها صوت الرصاص دخل يسري وبداء يؤمن الغرفه واشار لحسام انها فارغه اما حسام اقترب بسرعه من الغرفه وفتح بابها بهدوء؛ ونظر ليري من بها فاذا بها فارغه ليس بها الا رشاش مثبت على النافذه وموصول بسوسته بها ثقل ؛على زناد الرشاش ففهم انه كان يلهيهم كي يهرب فاوقف الرشاش وخرج بسرعه وسال البواب: في مخرج تاني للعماره.

البواب: ايوه بس ده بيخرج على الشارع التاني
حسام في عصبيه: ياااااااا يعني الحمله مش هتشوفو وريني المخرج ده فين بسرعه.

وتحرك معه البواب واراه باب صغير في المطبخ على سلم صغير فاسرع حسام بالنزول على السلم وكان يسري يلحق به وانهيا السلم بسرعه وخرجا لكن لم يجد اي شئ جري كل واحد منهم في اتجاه حتى وصل لاخر الشارع وعادا الاثنان ثانيا ونظر كلا منهم للاخر في ضيق وصعدا الي الاعلي مره اخري فوجدا محمود يقف مع البواب
محمود: هرب بردو بس ازي عرف انكو تحت مين بلغه ونظر الي البواب.

البواب بخوف: وانا هبلغه ليه يا باشا دول مؤجرين يعني شويه وماشين وكمان انا اصلا بخاف من الواد ده عامل زي الشبح بيظهر ويختفي
حسام: طيب اسمع هتيجي معنا المديريه هجبلك واحد توصفلو شكلهم وهيرسمهم وانت تقولو هما ولا لاء فاهم
البواب: حاضر يا باشا الي تأمر بيه
محمود: استنانا بره مع عربيات الحمله واشار للبواب
حسام: يلا نفتش المكان كويس يمكن نلاقي حاجه توصلنا ليه.

دخل كل واحد منهم يفتش في غرفه فسمعو صوت يسري ينادي عليهم فاسرعا اليه فوجداه يقف بجوار شئ يشبه اللاب توب الصغير ويصدر صوت غريب ثم بداء يقول بصوت اجش: محدش يلعب مع ملك الليل العد التنازلي ٥/٤/٣/٢/١ صفر كانو قد خرجو بسرعه من المكان واحتمو ورأرو انفجار شديد في المكان هز العماره كلها
يسري ; الانفجار ده مش انفجار قمبله ده غاز وانا شامم ريحه الغاز من اول ما دخلنا.

محمود: دي كارثه يعني العماره كلها ممكن تفرقع لازم نخليها فورا
حسام: يلا بسرعه ننزل للبواب يكلم الناس من الديكتافون ويقول لهم يقفلو الغاز ويخلو العماره
يسري: وانا هتصل بالمطافي تيجي بسرعه وهفهم خطورة الموقف
نزلو جميعا واخبرو البواب فقال البواب: حالا يا باشا في جهاز انذار موجود في العماره والناس عارفه اول ما اشغله كله هيقفل الغاز وينزل عشان؛ حصل حريق قبل كده ومن سعتها والناس عارفه.

تحرك البواب بسرعه واطلق الانذار وبالفعل نزل جميع السكان بسرعه واخلو العماره واتت المطافي وامنت العماره وتاكدة من اخماد الحريق وبقيت المطافي في المكان لتامينه حتى ينتهي تسريب الغاز عادت الحمله الي المدريه ومعهم البواب وطلب حسام من احد مختصيي الكمبيوتر الموجدين المتخصصين في تجيع الصور ؛ان يجمع صوره من الاوصاف التي سيقولها البواب ظل المتخصص معه لبعض الوقت حتى خرج بصورتين على الكمبيوتر وارهم لهم نظرو جميعا في اهتمام.

محمود: ياتري مين دول حاول تجيب بيناتهم من على النت
المتخصص: حاولت بس ملقتش لهم بينات عندنا
يسري: لازم هتلاقي دور تاني في كل السجلات حتى الوفيات
المتخصص: حاضر هدور تاني
اما حسام كان ينظر في تعجب ويقول في نفسه: معقول يكون هو بس ازي ده مسافر مش ممكن ازي بس الشبه كبير اكيد انا بحلم قطع تفكيره صوت المتخصص: طيب انا هشتغل على الصورتين لحد بكره وان شاء الله اجيب لكم كل المعلومات عنها وتركهم وذهب.

محمود: واحنا كمان كل واحد يروح بيته يرتاح والصبح ويحلها ربنا
البواب: وانا يا باشا
محمود: روح انت دلوقتي ويلا بينا احنا كمان
وخرجو جميعا من المكتب.

دخل يسري شقته وجد زوجته في انتظاره تنظر له بابتسامه فابتسم واقترب منها واحتضنها بحنان
يمني بحب: حمد الله على السلامه حبيبي.

يسري بحب: الله يسلمك ياه مفيش مكان في الدنيا احسن من بيت الواحد يرتاح فيه وخصوصا لما تكون فيه زوجه جميله زيك وكان مازل يحتضنها فتركها وظل واضع يده على كتفها ودخلا معا الي غرفتة النوم دخل يسري اخذ حمام وغير ملابسه وخرج كانت هيا قد وضعت الطعام فجلسا الاثنان معا وبدأا تناول الطعام
يمني بقلق: شكلك مرهق جدا واضح ان الشغل متعب جدا.

يسري بابتسامه: القضيه صعبه ومش سهله زي ما كنت فاكر في الاول بس ان شاء الله ربنا يوفقنا فيها
يمني بحب: ربنا يعينك يا حبيبي ويقويك وتخلص بسرعه عشان نروح المصيف زي ما وعدتني
يسري بحب: اكيد ان شاء الله ربنا هيكرمنا عشان دعوتك الحلوه دي وليكي عليا احلي مصيف لاحلي زوجه في الدنيا واكملا طعامهما وهم يتحدثان بحب وسعاده.

تذكر حسام ان والدته في منزل خالته وانه وعدها بانه يذهب لها هناك لياخذها ويعودا معا دخل منزل خالته سالم عليها واحتضنها وجلس
فايزه: اذيك يا واد ياحسام عامل ايه
حسام: الحمد لله ياخالتي بخير الحمد لله انت عامله ايه وعامر اخباره ايه
فايزه: نفسي يرجع بقا يا بني وحشني قوي بيكلمني كل ثلاث ايام بس خايفه اموت وهو بعيد
سعاد: بعد الشر عنك بكره يرجع ويتجوز وتفرحي بيه وبعيالو كمان.

فايزه: يارب يا سعاد وانت كمان تفرحي بحسام وتشيلي عياله
حسام: بقولك يا خالتي هو بيكلمك من تليفون ارضي ولا محمول
فايزه بضحك: وانا اش عرفني يا واد هو انا ظابط زيك
فضحك حسام: قصدي بيكلمك على الارضي ولا المحمول
فايزه: سعات كده وسعات كده بس اغلب الوقت على الارضي
حسام: معلش ياخالتي استاذنك بقي نروح انا وماما عشان تعبان يادوب اروح انام.

فايزه: مش هتمشي الا لما تتعشي انت وامك الاكل جاهز هنحطه على طول وكلو وبعد كده امشو
حسام: خلاص ماشي يا خالتي
دخلت وضعت الطعام هيا ورويه وجلسو جميعا تناولو الطعام وبعدها اخذ حسام والدته وعاد الي المنزل دخل حسام غرفته اخذ حمام وغير ملابسه وجلس على سريره يفكر.

ويقول لنفسه: معقوله ده ممكن انا عارف انه مجنون بس مش للدرجه دي معقول يكون عامر هو ملك الليل بس ليه وعشان ايه كل الحجات الي عملها كوم ودي كوم تاني ثم تذكر وقال: الله بس عامر مسافر من زمان وانا الي موصله بنفسي للمطار يعني كان بيخطط لده كله من زمان معقوله ده ممكن وبدأ يعود بالذكريات الي ايام بعيده واغمض عينيه ليري الذكريات امامه كأنه يشاهد فلم.

في غرفة حسام
اغمض حسام عينيه وبدأ يتذكر كانه يشاهد فلم
عادا بالذكرايات وهو في الاجازه قبل دخوله الثانويه العامه.
عامر يشد حسام من يده يدخله غرفة المكتب
حسام: في ايه يابني سيب ايدي عايز ايه
عامر: تعالي بس هفرجك على فلم حلو قوي
حسام: فلم ايه يايلا ده الي بتقفل الباب عشان تفرجني عليه هاه وكان ينظر له باستنكار
عامر باستهزاء: اقعد بس يا عم يعني هجبلك فلم سكس مثلا ما تقعد يلا وقام بتشغيل الفيديو.

حسام: وريني يا سيدي الفلم بتاعك
عامر: اشتغل اهو
حسام في تعجب: هو ده الفلم الي عايز تفرجني عليه المرأه الحديديه! يا بني ده فلم قديم مش ده بتاع نجلاء فتحي وفاروق الفشاوي
عامر: ايه مش عاجبك دي هيا دي فتات احلامي
حسام في استنكار: فتات احلامك نجلاء فتحي انت عبيط يلا!

عامر: انت الي عبيط نجلاء فتحي مين انا اقصد ان نفسي اتجوز واحده تكون زي المرأه الحديديه بنت قويه جامده تقف جمبي؛ في احلامي وحتي لو اكتشفت اني غلطت ما تندمش انها ضيعت عمرها عشاني
حسام بتهكم: يا سلام انت اكيد عبيط ايه الرومنسيه دي كلها دا انا كنت فكرك بتفهم طلعت عبيط
عامر بضيق: انت مش بتفهم وانا غلطان اني كلمتك ياض ملكش في الرومنسيه.

حسام بضحك: ماشي ياعم الرومنسي خلاص ما تزعلش يلا نكمل الفلم رغم اني شوفتو كذا مره بس هتفرج معاك
اطفأ عامر الفلم وقال: خلاص يا عم سيبك منه مدام شوفتو قولي ناوي على كليه ايه احنا داخلين على الثانويه وعايزين نركز
حسام: كان نفسي ادخل هندسه ؛بس خالك مصر اني ادخل شرطه وانا كمان بدأت الفكره تعجبني وانت ناوي على ايه
عامر بثقه: انا هدخل طب
حسام بتعجب: ايه الثقه دي وبعدين طب مره واحده.

عامر بثقه: طبعا يابني وبكره تشوف ضحكا الاثنان وتقابلا بعد عام في نفس الغرفه
حسام بسعاده: مبروك يا عامر نفذت كلامك ودخلت طب برافو عليك
عامر بسعاده: الله يبارك فيك وانت كمان مبروك دخلت كليه الشرطه هتروح امتي التدريب
حسام: بعد اسبوعين
عامر بزعل: ياه اسبوعين بس يا خساره دا في لعبه جديده في النادي بس ايه لعبه جامده جدا كنت عايزك تلعبها معيا
حسام: لعبة ايه دي ياض.

عامر: مش فاكر اسمها بس ايه يا بني؛ بتتعلم فيها النط من عماره لعماره زي الافلام الاجنبي والمشي على الحبل حاجه كده زي العاب السرك انما ايه يا بني شغل قرود
حسام وهو يضحك: يا سلام وانت عايز تبقا قرد
ههههههههههه
عامر بتريقه: ههههه لا عايز ابقي شامبنزي يا خفيف هههه افهم يا بني الحجات هتنفعني في تحيقيق احلامي
حسام بتعجب: هتنفعك في ايه هتكشف على المرضي وانت واقف على السقف مثلا.

عامر بابتسامه: اكشف ايه سيبك من الكلام ده هو انا كنت باخد الحزام الاسود في الجودو والكارتيه عشان ابقي دكتور انا احلامي اكبر من كده بكتير ما تيجي نروح النادي نتضرب على النشان بقالك كتير ماروحتش
حسام: نشان ايه ياعم ما انا هروح الكليه اتدرب عليه تعالي نروح نتفسح نخرج قبل الحبسه بتاعت الكليه
عامر: ماشي ياعم يلا بينا.

ومرا عام اخر وتقابلا ولكن الجميع هذه المره كان غاضب من عامر وكان عامر يجلس في غرفته وحده فدخل له حسام
حسام بزعل: اذيك يا عامر عامل ايه
عامر: انا بخير الحمد لله
حسام بزعل: ايه يا بني الي انت عملتو الاول على دفعتك ومفيش محضره سبتها ؛وحتي محضرات تشريح وحجات لسه بدري على دراستها دخلتها وبعد دا كله تنقل منها وتدخل صيدله انت انسان غريب!

عامر بابتسامه ماكره: لا غريب ولا حاجه محدش هيفهم الي في دماغي يابني كبر دماغك ماما هتزعل كام يوم وبعدين هتتراضي
حسام: طب قول يا سيدي وانا هافهم
عامر: قولتلك كبر دماغك هقولك بس مش دلوقتي ايه رايك نلعب دور جيم على الكمبيوتر
حسام بضيق: ايه البرود ده يا بني
عامر برخامه: ملكش فيه هتلعب ولا لاء
حسام بضيق: لاء وانا ماشي سلام
خرج وتركه وهو مستأ وبعد عام قابله في النادي
حسام: اذيك يا مجنون.

عامر بزعل: ايه مجنون دي انت شايفني بشد في شعري
حسام: عايزني اقولك ايه بعد الي عملته تنقل من طب لصيدله وقولنا مبلوعه يمكن مش قادر تتحملها انما تنقل من صيدله لعلوم ليه وبردو كنت طالع الاول تبقي اكيد مجنون.

عامر بمكر: بص بقي انا عايز معلومات معينه ؛من كل كليه من دول وما كانش مهم عندي السنه الي فيها المهم المعلومه الي عايزها وعشان كده دخلتها وبعدين خلاص وعدت ماما مش هنقل تاني وهيا سامحتني سيبك بقي تعالي نتضرب وريني كليه الشرطه علموك النشان ولا لاء
حسام بثقه: ايه لاء يا حبيبي ده انا الاول في النشان
عامر بغرور: طب تعرف تنشن على جناح فراشه
حسام بتعجب: جناح فراشه انت رخم اوي يلا.

عامر بغرور: انا بقي بجبها تعالي ندخل ووريلك
حسام: باين عليك هتاش بس معنديش وقت كنت جاي اسلم عليك رايحين مصيف وهنرجع على معاد الكليه
عامر: اولا انا مش هتاش بس خلاص تعالي نتمشي مع بعض اوصلك البيت مدام مستعجل
وتحركا معا ومرت الايام وتخرج حسام وتم تعينه في محافظه اخري واوفي عامر بوعده وانهي دراسته في كلية العلوم وكان حسام في اجازه فاتي لزيارة عامر
حسام بسعاده: اخيرا خلصت دراسه يامجنون انت.

عامر بضحك: اه ياسيدي خلصت
حسام بمزاح: بس باين عليك فرحان قوي امال لوكنت كملت في طب كنت عملت ايه
عامر بضحك: هو انت فاكر اني فرحان عشان اتخرجت ولا ايه
حسام بتعجب: يا سلام امال ايه الي مفرحك قوي كده!
عامر بسعاده شديده: لقيتها خلاص يا حسام لقيت فتات احلامي لقيت المرأه الحديديه
حسام بتعجب: لقيت مين نجلاء فتحي ماهي موجوده من زمان
عامر بضحك: نجلاء فتحي مين يا بني لاء لقيت البنت الي بحلم بيها.

حسام: اه هو انت لسه الكلام ده في دماغك انا فكرتك نسيته ده كان لعب عيال
عامر بهيام: لعب عيال لاء طبعا دي هيا حلمي الي كنت بدور عليه واخيرا لقيته
حسام بمزاح: قول ياعم الولهان مين دي بقي حد نعرفه
عامر بحب: لاء دي بنت بتشتغل في سيرك بس ايه كل موصفات احلامي فيها
حسام بتعجب: انت مجنون ومتخيل ان خالتي هتقبل بده.

عامر: بص بقي دي معركتي بس هيا تحبني بس وكل حاجه هتبقي تمام سيبك انت تعالي اعلمك شوية حجات اتعلمتها في النت
حسام بتعجب: نت ايه يابني هتشتغل ايه فكرت ولا الموضوع مش في دماغك
عامر بقلق: لاء طبعا فكرت وقررت كمان وظبت كل حاجه كمان بس الي قلقان منه هو انت يا صاحبي
حسام بمزاح: مقلق مني ليه بقي هتيجي تشتغل معيا في الشرطه مخبر ههههههه.

عامر بمكر: مخبر يعني لما تقولي اشتغل معاك اشتغل مخبر لاء طبعا لما احب اشتغل معاك اشتغل حاجه اكبر بكتير بس سيبك انا اصلا قررت اني اسافر امريكا
حسام بتعجب: هتسافر تعمل ايه وبعدين هتسيب مماتك لوحديها هيا ملهاش غيرك ده كلام انت مجنون
عامربإصرار: بص يا بني خلاص انا قررت؛ انا عايزك تخلي بالك منها مفيش حد استأمنه عليه غيرك
حسام: مش هتبطل جنان ابدا وبعدين مش بتقول لقيت فتات احلامك ؛هتسبها وتمشي.

عامر: ما انا هسافر عشنها وبعدين سيبك مني اهم حاجه امي خالي بالك منها في غيابي ماشي
حسام: دي خالتي يعني امي التانيه ماتخفش عليها بس ربنا يهديك.
وبعد عدت ايام اوصله حسام وهو ذاهب الي المطار للسفر
فتح حسام عينيه وقام وجلس يفكر ويقول لنفسه.

: ممكن ده هو مجنون؛ بس معقول يكون ماسافرش وقال كده عشان يعرف يكون ملك الليل بس ازي وليه معقول كلام الافلام يخليه يفكر كده اخذ نفس عميق واكمل طب والصوره تشبه جدا وبعدين كل حاجه تنطبق عليه صح دخل طب عشان يعرف ينشن فين من رصاصه واحده الشخص يموت وصيدله عشان يتعلم تركيب المواد ومنها يقدر يصنع سموم ما تسبش اثر في دم المقتول وعلوم عشان من مواد بسيطه يصنع متفجرات كده فهمت كان بينقل كل شويه ليه من كليه بس ده جنان وانا اعمل ايه ابلغ عنه ولا اسكت وهل ممكن أكون غلطان اه دماغي خلاص مش فاهم وسكت قليلا ثم قال صح انا هاسكت واشوف ايه الي هيحصل وعلي اساسه هتصرف صح.

وقام توضأ وصلا وطلب من الله العون والمساعده.

في الصباح دخل حسام المكتب وكان محمود يجلس ينتظره
محمود: ايه الي اخرك كده يا حسام وكمان يسري اتاخر
حسام وكان يبدو عليه الارهاق: معلش اتاخرت في النوم شويه
في هذه اللحظه دخل يسري وقال: صباح الخير اسف على التاخير بس كان عندي سبب
محمود: وياتري ايه السبب.

يسري: امبارح بعد ما مشينا فضلت افكر يا تري ازي ملك الليل عرف بوجدنا تحت وكمان لفت نظري خوف البوب منه فقولت اكيد ملك الليل كان مركب كاميرة مراقبه في العماره وبيراقب المكان وكمان كان مستعد للهرب في اي لحظه لاننا ملقناش اي شئ من متعلقاته
محمود: طب وده ياخرك في ايه.

يسري: اصبر بس عليا ما انا ما كدبتش خبر روحت الصبح على العماره؛ ودورت وفعلا لقيت كاميرا جبتها ودتها المعمل الجنائي عشان يشوفو ان عارفو يحملو منها اي صور تنفعنا
محمود: برافو عليك بس الي مجنني ان الكلب ده هرب بسرعه وملحقنهوش
حسام: بقولك ايه يا محمود؛ ممكن تطلب البواب يجي عايز اسالو عن حاجه
محمود: عايز تسالو عن ايه.

حسام: خدت بالك يا يسري؛ اننا لما دخلنا الشقه مكنش في اثر ان حد عايش في المكان كإن المكان مهجور
يسري: صح المكان كان مطرب جدا ومعفر
محمود: ده فيدته ايه يا عبقري انت وهو
حسام: ليه ما يكنش ملك الليل مأجر شقتين في العماره يوهم الكل انو ساكن في واحده ويسبها فاضيه اما التانيه هيا الي ساكنها
يسري: وطبعا اول لما شفنا خرج من الشقه الفاضيه ؛وراح الشقه التانيه وفضل فيها يتفرح علينا ويضحك.

محمود: بس ازي ده كان هيفرقع العماره كلها بالغاز
يسري: ياعم الحاج احنا مش نزلنا السكان اول حاجه وأخلينا العماره هو نزل وسط السكان ومثل علينا البراءة واحنا طبعا مجاش في دمغنا ابدا الفكره دي
حسام: ولو سالت البواب هتلاقي شقتين اتنين الي متأجرين او شاري واحده وماجر التانيه
محمود: وهنعرف ازي
يسري: من البواب هنسال عن كل السكان واكيد هنوصل
محمود: يبقا تعالو نروحلو دلوقتي.

حسام: مش هنغلط تاني احنا نجيب البواب واكيد هنعرف منه وبكده لو هو لسه موجود مش هيعرف حاجه
يسري: وكمان كاميرة المراقبه لو قالو انها اشتغلت بعد الحريق وصورت يبقي تخمنا صح وهو موجود في شقه تانيه
محمود: خلاص هاتصل بالبواب دلوقتي واخليه يجي واكيد هنوصل لحاجه
اتصل محمود بالبواب وطلب منه الحضور فورا
واثناء ماهم جالسون ينتظرو البواب حضر المختص ؛ومعه معلومات عن اصحاب الصور.

المختص: قدرنا نوصل لمعلومات عن صورة الراجل اما البنت فملقناش لها اي معلومات نهائي
محمود: ايه اسم الراجل
المختص: عامر حسين محمود خريج كلية العلوم سافر امريكا وغير مسجل في دفاتر الوصول رجوعه تاني وده الغريب في الامر
تنهد حسام: باقي المعلومات عنه عندي انا متشكر ليك جدا
المتخصص: خلاص ماشي ده تقرير بالمعلومات عن اذنكو
محمود بتعجب: معلومات ايه الي عندك مش فاهم.

اخذ حسام نفس عميق وقال: عامر يبقي ابن خالتي ؛وصاحبي من ايام الطفوله
يسري: ايه الكلام ده وليه مقولتش من ساعت ما جيت
حسام بحزن: كنت شاكك وكنت مستني لما اتاكد عشان ما ندخلش في متاه ؛وكمان كان عندي امل يطلع مش هوا
محمود في الم: معلش الواجب حتم عليك موجه صديق الطفوله وابن خالتك بس لازم تقولنا كل شئ تعرفه وممكن يساعدنا
حسام بحزن: كل الي اقدر اقوله انه ذكي جدا درس طب وصيدله وعلوم وتفوق فيهم.

يسري بتعجب: بس التقرير قال انه خريج علوم
حسام بحزن: اخد سنه في كليه طب واظن اتعلم فيها ادق اماكن في جسم الانسان ودخل صيدله عشان يعرف يركب سموم تموت من غير ما تسيب اثر وعلوم طبعا عشان يقدر يعمل انفجار ؛من اقل مواد كيميائية
محمود: يعني عارف هو بيعمل ايه كويس.

حسام: وكان بتضرب على العاب قتاليه اكتر من لعبه واخد اكتر من حزام فيهم كمان غير النشان ممكن يصطاد دبانه وهيا طايره غير انو كان اتعلم لعبه كده بيها يعرف ينط من عماره لعماره وحجات من بتاعت الاكروبات بتاعت السرك
محمود: عشان كده بيظهر فجأة ويختفي فجأة
يسري: وواضح انه اتعلم كمبيوتر كمان
حسام: اه اخد كورسات كمبيوتر مكثفه
محمود: اعتقد انك كده لازم تسيب القضيه؛ عشان ما تخسرش خالتك.

حسام: لاء طبعا لما انا الي اقبض عليه خالتي هتفهم وكمان انا عارف طريقة تفكيره وده هيساعدنا كتير
محمود: الي يريحك وفي اي وقت تحس انك عايز تسيب القضيه مش هنزعل منك
حسام: انا عارف بس هو كان بيقول انه مظبط شغلتو وخايف لحسن ازعل وانا ما فهمتش وقتها.
دق الباب ودخل العسكري وقال ان البواب حضر فطلب منه محمود ان يدخله دخل البواب
البواب بقلق: خير يا باشا في حاجه تاني
محمود: عايزين نسالك كام سؤال وهتروح ما تخفش.

البواب: اسال يا باشا
محمود: في كام شقه متاجره في العماره
البواب: الدور الي فيه الشقه متاجر كله
حسام: في حد منهم ساب الشقه انهارده
البواب: ايوه ياباشا الساكن الي في الشقه الي جمب الشقه الي شمعتوها
محمود: مين الي كان ماجرها
البواب: واحد اسود افريقي
محمود: ساكن فيها من قبل الشقه الي شمعنها ولا بعدها
البواب: بعدها بشهر ياباشا
حسام: طب الافريقي ده سبها ليه.

البواب: معرفش هو بيتكلم إنجليزي وانا مش بفهم كلامه هو اداني المفتاح واجار الشقه ومشي
محمود: طيب مين الي اجر له الشقه
البواب: صاحب الشقه الله يرحمه
محمود: طب كنا عاوزين عقد الايجار بتعها
البواب: مع المحامي بتاع اصحاب الشقه عشان هو الي معاه كل العقود بتاعت العماره عشان صاحب الشقه هو صاحب الدور كله
محمود: طيب هات اسمه واحنا هانتصل بيه
فاخبرهم باسمه وذهب البواب.

حسام: اعتقد مش هنستفاد حاجه من العقود اكيد الاسم زي اسم البنت هيوصلنا لطريق مسدود لانه ببساطه اكيد عامل حسابه
محمود: طب والحل
تنهد حسام: مش عارف كل ما نمشي في سكه تتسد يا تري ايه الي في دماغك يا عامر
يسري: هو مش بيتصل بمامته
حسام: بيتصل بيها كل ثلاث ايام عمره ما اتاخر
محمود: خلاص يوم ما هيتصل بخالتك كلمه وطول معاه شويه واحنا نراقب المكالمه ونعرف مكانه.

حسام: هيا فكره خلاص هسال امي هيتصل بخالتي امتي وهعرفكم ونعمل ده بس من غير ما نعرف خالتي ؛عشان ما نكسرش قلبها كفيا لما نقبض عليه
محمود: ماشي خلاص روح دلوقتي واسالها واتصل بينابلغنا واحنا هنعمل الي علينا وانت تعمل الي عليك خلاص اتفقنا
حسام: اتفقنا.

وخرج حسام عاد الي منزله عندما راته والدته تعجبت من عودته مبكرا
سعاد: ايه ده جيت بدري يعني
حسام بمزاح: امشي يعني
سعاد: مقصدش يا حبيبي بس مستغربه يعني
حسام: ولا يهمك يا ست الكل خلصنا شغل بدري عشان كده جيت بدري وقولت اقعد معاكي شويه
سعاد: خلاص تعالي معيا نزور خالتك؛ ونقعد معاها لحسن زعلانه الواد عامر اتاخر عليها في الاتصال وهيا قلقانه عليه يمكن يتصل انهارده وتتطمن عليه.

حسام في عقله: وتكون فرصه اكلمه يمكن اقنعه يرجع عن الي في دماغو
سعاد: سرحت في ايه
حسام: ولا حاجه يا ست الكل هعمل تليفون وننزل على طول ماشي
سعاد: ماشي
دخل حسام غرفته كلم محمود واخبره واعطاه رقم خالته ليراقبوه للوصول الي مكانه وبعدها خرج مع والدته لزيارة خالته دخلو منزل خالته
وجلسو معها
حسام: عامله ايه ياخالتي
فايزه: الحمد لله يا حبيبي بخير
سعاد: هو الواد عامر ما اتصلش بيكي انهارده بردو.

فايزه: كان معاده امبارح وقعدت استنا بعد ما مشيتو انو يتصل بس ما اتصلش وانا قلقانه عليه قوي
حسام: ما تقليش ياخالتي هو اتاخر عليكي قبل كده
فايزه: لاء عمره ما عملها وعشان كده قلقانه عليه
حسام في عقله: طبعا ما كنش فاضي
فايزه: سرحت في ايه يا حسام
حسام: ولا حاجه يا خالتي انت عارفه شغلي واخد كل تفكيري بقولك يا خالتي ممكن لو عامر كلمك واحنا قاعدين اكلمه
فايزه: اه ومالو يا حبيبي ده هيفرح قوي.

حسام: شكرا يا خالتي وقال في عقله معتقدش انه هيفرح ابدا.

تااااابع ◄ ممن أنتقم