بس لا لا لا انا بضحك على نفسي واجب إنساني ايه ده انا غطيته كمان زمانه هيقول عليا ايه دلوقت أنا غبية اوي معقول اكون لسه بحبه بعد ما سمعته ف التليفون بيتكلم وفهمت انه هيتجوز قريب انا لازم اقاوم احساسي ده واتغلب عليه، وصلت قصاد باب الاوضة وهي سرحانة وبتفتح الباب.

اي ده هو المفتاح مش بيفتح ليه طلعته ودخلته تاني اي ده مش بيفتح بردو
غريبة أوي هو في ايه يمكن انا اخدت مفتاح خالد بالغلط لما كنت عنده وسيبت مفتاحي ولا ايه
أنا هنزل اسأله وخلاص
ونزلت تحت تاني في طريقها لاوضة خالد لحد ما وصلت وخبطت على اوضته
وبعد شوية
خالد: فتح الباب وبص لنور ب استغراب
نور: هو بيبص لي كده ليه انا هتكلم واقوله على موضوع المفتاح ليفهم غلط ويقول رجعتله تاني ليه.

خالد: ابتسم وشاور ب أيده لنور عشان تدخل جوه الأوضة اتفضلي
نور: اتفضل فين انا مجتش عشان ادخل
خالد: طيب متعصبة ليه كده
نور: انت فهمت ايه انا مرجعتش عشان حاجة أنا بس شكلي بدلت المفاتيح حتى دخل مفتاحي في اوضتك هيفتح عشان تصدقني
خالد: وريني واخد المفتاح بتاعها ودخله في باب اوضته
وبص لنور
نور: ايه في ايه
خالد: المفتاح ده مش بتاع اوضتي يا نور ده مفتاحك
نور: ازاي
خالد: ثواني ودخل جوه وطلع
نور/, انت روحت فين.

خالد: جيبت مفتاحي وجيت اجربه قدامك
نور: ماشي جربه
خالد: دخل المفتاح وخرجه وبص لنور وقال:
شايفة اشتغل عادي اهو
نور: بس ازاي ده مفتاحي مش بيفتح اوضتي
خالد: يعني عايزاني اطلع معاكي اجربهولك وابتسم
نور: انت مبتسم ع ايه هو انا بقول نكت
خالد: لا هههه انتي متوترة كده ليه
نور: وانت مستفز وانا مجتش عشانك انا مفتاحي فعلا مش بيفتح ف افتكرت اني اتلغبط واخدت مفتاحك
خالد: خلاص اهدي انا هغير بس واطلع معاكي نجربه.

نور: لا مش عايزة منك حاجة شكرا ونزلت تحت عند الريسيبشن وقالت:
لو سمحت
الريسيبشن: ايوه يا فندم
نور: المفتاح مش بيفتح مش عارفة ليه
الريسيبشن: حضرتك في غرفة كام
نور: 25
الريسيبشن /, اتفضلي مفتاح تاني للغرفة
نور: شكرا واخدته وطلعت الأوضة ودخلت المفتاح مفتحش
هو في ايه؟!
المفتاح ده كمان مش بيفتح يمكن شمس قافلة من جوه
انا هتصل بيها واصحيها وخلاص كويس انها معاها تليفون وطلعت رقمها ورنيت عليها
رررررررن رررررررن.

رررررررن رررررررن
نور: هي مش سامعة ازاي ده انا سامعة صوت الرنة من بره
بس هعمل ايه دلوقت
لازم ادخل انا تعبت من الوقفة هرن عليها تاني
رررررررن رررررررن
رررررررن رررررررن
رررررررن رررررررن
نور: مفيش فايده شكلها رايحة في النوم ومش حاسة اتصرف ازاي دلوقت
انزل تحت اقعد شوية وخلاص وافضل اتصل بشمس لحد ما ترد عليا بس انا اخاف انزل تحت الاقي خالد ويجي يقعد معايا وأنا مش عايزة اكلمه
طيب اعمل ايه بس.

اهااااااا صح مفيش قدامي غير مروان اتصل بيه واخده يقعد معايا
ورنيت عليه
رررررررن رررررررن رررررررن
رررررررن رررررررن رررررررن
مروان: الو
نور: مروان عامل ايه
مروان: هكون عامل ايه في الوقت ده اكيد نايم يا نور يا مجنونة
نور: اه منا عارفة بس قولت اتصل اصحيك واقولك اسفة اني اتعصبت عليك
مروان: متحوريش كتير وسيبك من اسفة وعرفت غلطتي والكلام ده
وقولي علطول
نور: اقول ايه.

مروان: قولي عايزة مني ايه انا حافظك يا نور لما تبقى عايزة حاجة بتكوني لطيفة وكيوت
نور: انت فاهم غلط أنا كنت بقولك معلش عادي
مروان: خلصي بقى
نور: بصراحة أنا عايزك تنزل تقعد معايا ف الكافية تحت
مروان: دلوقت؟
نور: اه بس لو عايز تنام ومش موافق خلاص
مروان/, لا موافق يستي وانا عندي كام نور يعني
نور: شكرا اوي يا مروان
انا ثواني وهنزل استناك تحت يلا سلام
مروان: ماشي سلام
وبعد دقائق.

نور: قاعدة في الكافية وبتبص شمال ويمين
مروان: نزل وراح ناحيتها
مالك بتبصي حواليكي ليه قتلتي قتيل ولا ايه
نور: لا اقعد بس
مروان: قعدت اهو
نور: فضلت ساكتة وباصة له
مروان: طيب ايه
نور: ايه
مروان: انتي مصحياني من عز نومي ومنزلاني دلوقت علشان تقعدي ساكتة وباصة لي متقولي
نور: اقول ايه
مروان: قولي عايزاني في ايه
نور: انا اصل الموضوع يعني فاهم
مروان: مالك متوترة كده ليه وبتقولي كلام متلغبط.

هتقوليلي بحبك ولا ايه هههههههه
نور: انت عيل رخم لا طبعا مش هقول كده
مروان: خلاص يستي أنا بهزر وعارف انك مرتبطة بدكتور خالد
نور: مش مرتبطة بحد
مروان: تبقوا متخانقين انتي وهو وجايباني عشان يتغاظ ويغير
انتي وهو بتتخانقوا اكتر من ما بتحبوا بعض مش عارف ليه
نور: قفل ع السيرة دي بقى ومفيش الكلام ده انا مش جيباك عشان كده
مروان: طيب منزلاني ليه م تطلعي تنامي وبعدين المجنونه التانية فين
نور: تقصد شمس.

مروان: هههه يعني انتي المجنونة الاولى شوفتي انتي عارفة نفسك ازاي
نور: هتندمني اني نزلتك
مروان: طيب خلاص سكت اهو قوليلي فين الليدي شمس
نور: نامت والمفتاح مش بيفتح
مروان: طيب ما تخدي من الريسيبشن مفتاح جديد
نور: اخدت ومش بيفتح بردو
مروان: اي ده ازاي كده
نور: يمكن شمس قفلت من جوه
مروان: اكيد شمس مش غبية عشان تعمل كده وهي عارفة انك بره الأوضة
نور: تقصد ايه.

مروان: اكيد في حاجة حصلت تعالي نطلع نشوفها لتكون تعبانة ولا ابويا عمل حاجة
نور: قامت وقفت
مروان: اهدي متتخضيش انا بس بقولك عشان نطلع نطمن مش اكتر
نور: طيب يلا بسرعة
مروان: استني أنا هجيب سكينة افتح بيها الباب
نور: ماشي يلا
مروان: اخد السكينة اللي على الترابيزة وطلع مع نور
وبعد دقائق
مروان: هاتي كده المفتاح اجرب الاول وجرب يفتح الباب مفتحش
مسك السكينة وحاول يفتح الباب جامد
= انتم بتعملوا ايه.

نور: خالد؟! انت اي اللي جابك
خالد: شوفتك بتجري ومروان طالع وراكي ف قولت ف ايه
سيب يا مروان السكينة دي الباب مش هيفتح كده وسع هات المفتاح
نور: اهو معايا جربنا ومفتحش
خالد: مسك المفتاح وحطه على شفايفه وهو بيقرأ كلام مش مسموع
مروان: وقف جنب نور وقال:
اي ده هو بيعمل ايه
نور: معرفش بيعمل ايه
خالد: حط المفتاح في الباب وفتحه
مروان: بسم الله الرحمن الرحيم ده فتحه
نور: سابتهم و جت تجري عشان تدخل.

خالد: منعها ومسك ايدها ووقفها
نور: ف ايه
خالد: قرب جنب ودنها وبصوت واطي: آمون جوه
نور: بصيت له وهي مخضوضة وفهمت الباب ليه مكنش بيفتح وقالت بخوف: ب ب بس لازم ندخل مينفعش نسيبها لوحدها جوه
خالد: اهدي انا هتصرف خليكم هنا وسابهم ودخل
مروان: هو ف ايه أنا مش فاهم حاجة متيجي ندخل وراه
نور: مسكته من دراعه لاء خليك استنى
خالد: دخل خطوتين بحذر شديد ومسك تليفونه واتصل بحد غير معروف
مروان: هو بيكلم مين
نور: مش عارفة.

خالد: دخل جوه اكتر وهو حاطط التليفون على ودنه وبيقول كلام مش مفهوم بصوت واطي
مروان: هو بيقول ايه انا مش فاهم حاجة
نور: ولا أنا
مروان: طيب هو قالك ايه ف ودنك
نور: م كفاية اسئلة يا مروان هو ده وقته سيبني علشان انا قلقانة على شمس
مروان: طيب ما ندخل نطمن عليها احسن بدل الوقفة دي
نور: لاء مش هينفع
وبعد دقائق
خالد: نووووور
نور: ايوه ودخلت الأوضة وهي خايفة
خالد: ادخلي شوفي شمس
نور: هي حصلها حاجة.

خالد: ادخلي شوفيها هي في الحمام وراء الستارة
مروان: جه يدخل
خالد: وقف قدامه
مروان: هو ف ايه
خالد: لاء مفيش يلا ننزل ونسيبهم يناموا لانه الوقت اتأخر جدا وقفل باب الاوضة عليهم واخد مروان ونزل
نور: دخلت بسرعة وفتحت باب الحمام وراحت فتحت الستارة لقيت شمس قاعدة على الارض والدش مفتوح عليها
نور قفلت الدش بسرعة وقالت:
انتي بتعملي ايه هنا انتي كويسة؟,
شمس: بصوت ضعيف قالت:
نور قوميني.

نور: سندتها وطلعت من الحمام وجابت لها هدوم
شمس: كانت بتترعش جامد
نور: انتي شكلك بردتي احنا بليل والمياة سقعة انتي كل ده تحت الدش وبهدومك ليه انا مش فاهمة وبعدين ايه ده
ايه العلامات اللي على ايدك دي وعلى ظهرك كمان البسي الشال ده كمان عليكي وتعالي وقعدتها على السرير وغطتها
انا خبطت عليكي كتير اوي ومكنش الباب بيفتح احكيلي ايه اللي حصل أنا عرفت انه آمون كان جوه خالد قالي.

اتكلمي حصلك ايه قولي اي حاجة انتي كويسة؟
شمس ردي يا شمس.

شمس: بصيت لنور وهي بتغمض عينها اللي كانت غرقانة بالدموع ومن شدة التعب راحت في النوم من غير ما تحس.

تابع لعنة العشق