في احد نوادي منطقة الزمالك كانت تجلس ثلاث فتايات من بنات الطبقه الراقيه كما يسمونها ودخلت عليهم صديقتهم الرابعه
ميما: اهلا بيكي جيجي ايه اللي اخرك كده؟
جيجي: معلش ميما معلش دودو سامحيني رورو بس اللي حصل معايا فظيع.
رورو بخضه: خير ايه اللي حصل؟
جيجي: تخيلي البنت البيبي سيتر كانت هتوقع الولد مرتين من ايدها فمودي حبيبي ماشها وقال مش هيجبها تاني.

ميما بفزع: ايه ده مش ممكن بعد التعب ده كله توقعه لاء ماشيها احسن.
جيجي: ما انا ماشتها بس مش بعرف انام وعشان كده مش هعرف اجي كتير.
دودو: ولا يهمك حبيبتي اهم حاجه تيجي اليوم اللي بنودي فيه الفلوس البنك.
ميما: اه فعلا كانت فاكره حلوه جدا دودو لما قولتي لنا عليها.
دودو: ما انا لقيت الدادا بتعين لبنتها فلوس في حاجه كده اسمها، ام ام اه دفتر توفير قولت احنا كمان نعمل زيها بس بطريقه شيك.

ميما: ايوه طبعا مش بالطريق البلدي دي فكره خزنه في البنك فكره شيك واستايل.
رورو: طب يلا جاهزين ولا ايه ناجلها لبكره.
جيجي: لاء مش هاينفع ناجلها عشان الولد سيباه مع باباه عشان اجي احط معاكو الفلوس.
دودو: طب يلا بينا.
ذهبن جميعا الي البنك وكان مدير البنك والمسؤل عن الخزن يعرفهم فهم يذهبو كل شهر في نفس الموعد لوضع مبلغ من المال وبعد وضع المال خرجن معا
جيجي: هترحو ولا هترحو على النادي.

دودو: لاء هنروح للنادي.
جيجي: طب خلاص اسبكم انا وامشي عشان سمسم زمانه بيعيط ومجنن باباه على ما نلاقي بابي سيتر تانيه كويسه
رورو: ده انت رعبتيني احتمال امشي اللي عندي.
دودو: ليه حبيبتي اللي عندك كويسه ومرعيه لولو كويس.
رورو: لاء بس انا قلقانه خالص.
ميما: بقولكو ايه رايكو المره جايه نجيب دهب نحطه بدل الفلوس
جيجي: فكره حلوه كل فتره بدل ما نغير الدهب نجيب جديد ونحط القديم في الخزنه اسبكم انا باي.

وتركاهم وركبت سيارتها وتحركت
رورو: خلو حكاية الدهب دي شويه.
ميما: ماشي اوك انا كمان هروح باي.
دودو: وانت يا رورو هتيجي النادي نتغدي سوي ولا اروح اقعد في البيت لوحدي
رورو: هاجي معاكي ما انت عارفه بابي مسافر ولسه مش جاي دلوقتي اهو اقعد معاكي بدل ما اقعد لوحدي.

وبعد مرور شهر في نفس الموعد حضرن الاربع الي البنك ودخلن كالعاده الي البنك ودخلت كل واحده الي كبينه لوضع النقود واذا بانذار الحريق يضرب وتشتغل رشاشات المياه في كل مكان وخرجن السيدات الاربعه من الكبائن وتركنها مفتوحه مسرعين خوفا من الحريق وحدث هرج ومرج في المكان ثم نادي المدير على الجميع بان الامر امن والحريق كان بسيط وتم السيطره عليه.
وناده على السيدات الاربعه.

مدير البنك (رشاد): حضرتكم سبتو الكباين مفتوحه اتفضلو ادخلو عشان تتأكدوا ان الفلوس مظبوطه ومفيش حاجه منها نقصت عشان نقفل الخزن.
فدخل الاربع سيدات الي الكبائن وعدن بسرعه
رورو بفزع: الخزنه فاضيه فين الفلوس اللي فيها؟
دودو بغضب: وانا كمان خزنتي فاضيه ازي الفلوس تتسرق؟
جيجي بغضب: يعني ايه ملقيش اي حاجه في الخزنه بتاعتي؟
ميما بغضب: ازي ادخل الاقي الخزنه فاضيه
رشاد بفزع: يعني ايه الخزن فاضيه؟

ميما بغضب: بدل ما تسالنا ادخل شوفها بنفسك.
فدخل رشاد ونظر على الخزن من بعيد وتأكد من خلوها واتصل بالشرطه حضرت الشرطه ومشتت المكان وشاهد اشرطة المراقبه وبدأ الضابط التحقيق.

الضابط: استاذ رشاد بعد مشاهدة الفيديوهات ومرجعتها اتاكد لنا ان اللي اشعل النار واحده من الاربع ستات لانهم كانو في مكان خالي من الكاميرات وهما بس اللي كان ممكن لهم اشعال حريق بقرب مستشعر الانذار فيضرب ويعمل البلبله دي واثناء الهرج والمرج تقدر تسرق الخزن الاربعه وده طبعا عشان محدش يشك فيها.
رشاد: طب ممكن حضرتك تفتش شناطهم واللي معها ولاعه تكون هي.

الضابط: هيتم تفتشهم لانهم مش ممكن يكونو لحقو خبو الفلوس بس هسالهم الاول بس قولي مين اول واحده خرجت من جوا لما دخلو يتاكدو من الخزن
رشاد: اظن مدام ريم هي اول واحده خرجت وبعدها مدام دينا ومدام حني واخر واحده خرجت مدام مي.
الضابط: هي ما خرجتش عنهم الاربعه وحركة الولاعه دي شوفتها في اكتر من فيلم اجنبي يعني سهل جدا انهم يعرفوها وهما اكيد عارفين ان مفيش مراقبه داخل الكباين يمكن نعرف حاجه من سؤالهم.

احضرهم الضابط وبدأ سؤالهم كل واحده على حدي
الضابط: مدام ريم حضرتك بتشربي سجاير؟
رورو: لاء التدخين مضر وانا بخاف على صحتي.
الضابط: تسمحي لنا نفتش شنطتك؟
رورو بضيق: انا مش متهمه بس فتشها براحتك.
الضابط: لما دخلتي تشوفي الصندوق خرجتي بسرعه ولا اخدتي وقت؟
رورو: انا بسيط على الصندوق لقيته فاضي فخرجت بسرعه.

الضابط: مدام جني حضرتك بتشربي سجاير؟
حيجي: نو لاء طبعا.
الضابط: تسمحي لنا نفتش شنطتك؟
جيجي بضيق: اوكيه مدام ده اللي هيبرأني.
الضابط: اخدتي قد ايه وانت بتشوفي الصنوقق فاضي ولا مليان؟
جيجي: انا اتاخرت لاني مش مركزه مش بنام كويس فدخلت خرجت تاني عشان اتاكد.

الضابط: مدام دينا حضرتك بتشربي سجاير؟
دودو: نو مش بشرب
الضابط: تسمحي لنا نفتش شنطتك؟
دودو بضيق: ماشي
الضابط: اخدتي قد ايه وقت وانت بتتاكدي في فلوس في الصندوق ولا لاء
دودو: مخدتش بالي انا بصيت على الصندوق لقيته فاضي فخرجت وانا متضيقه.

الضابط: مدام مي حضرتك بتشربي سجاير؟
ميما: لاء مش باشرب.
الضابط: تسمحي لنا نفتش شنطتك؟
ميما بضيق: اوك ماشي
الضابط: اخدتي وقت قد ايه وانت بتشوفي الصندوق فاضي ولا لاء
ميما: معرفش انا شوفتو فاضي خرجت وانا متضيقه عشان الفلوس اتسرقت.
وبعد تفتيش الحقائب تاكد عدم وجود اي قداحات ووجد احد العساكر قداحه ملقاه على الارض بالقرب من الكبائن.

الضابط: معلش يا مدمات مضترين نفتشكم تفتيش زاتي لان واحده منكم هي اللي سرقت الفلوس هتدخلو مع الضابطه نهال وهي هتفتشكم.
ودخلن جميعا غرفة التفتيش وبعد بعض الوقت خرجن جميعا
نهال: تمام يا فندم بعد التفتيش لم يتم ايجاد المسروقات يا فندم
الضابط: فتشتيهم كويس حتى الملابس الداخليه؟
نهال: تم يا فندم
احضر احد العساكر خاتم وجده ملقا على الارض
الضابط: الخاتم ده بتاع حد منكم.

جيجي: ايوه بتاعي كنت حطاه في الخزنه النهارده.
الضابط: الخاتم ده هو اللي هيجب الجاني لان اللي سرقت بصمتها عليه بس يا تري مين فيهم اللي سرقت وازي قدرت تخبي
يلا بقي حلوها وقولولي مين اللي سرقت؟

 
حل لغز الجريمة

كان الضابط يفكر من من السيدات الاربعه هي من سرقت الخزن حضر مختص لرفع البصمات وبدأ في رفع البصمات.
الضابط: في اي بصمات على الصناديق؟
مختص البصمات: معتقدش الميه شالت كل البصمات غير ان السارق كان عامل حسابه ولابس جوند.
الضابط: جوند يبقي لازم قلعه ورماه في اي صندوق زباله هطلب من العساكر يدورو عليه.

محتص البصمات: ملوش لزوم الخاتم هيفي بالغرض عايز بس تنده على الستات اللي انت قولت انك مشتبه فيهم.
فنادي الضابط عليهم واتي الاربع سيدات
دودو: احنا زهقنا وعايزين نروح سايبن الاولاد من بدري.
الضابط: خلاص ده اخر اجراء خبير البصمات هيقارن بصمتكم بالبصمه اللي على الخاتم واللي هتكون بصماتها عليه هتكون هي اللي سرقت.
جيجي: بس ممكن تبقي بصماتي عليه لانه بتاعي اصلا.
الضابط: هنستثني بصماتك.

رورو بعصبيه: يعني مره تفتشونه بطريقه مهينه ودلوقتي اخد بصمات لاء كده كتير الموضوع زاد عن الحد.
الضابط: لو سمحتي تاخدي الموضوع ببصاطه دي اجرأت ولازم تتعمل والا حققكم هيضيع كنت عايز اسالكم انتو حاطين فلوس بس مش كده
دودو: ايوه كانا بنحط فلوس بالدولار وفكرنا نحت دهب كمان لكن اجلنها شويه.
الضابط: طب انا هنادي لخبير البصمات يجي..

اتي خبير البصمات وبدأ اخذ بصماتهن وكان يبدو على رورو التوتر الشديد مما اثار الشك في نفس الضابط ففكر انها قد تكون السارقه فاراد ايقاعها
الضابط: مدام رورو هو المبلغ بتاعك كان كبير؟
رورو بتوتر: ها، مش فاكره بس المهم عايزه امشي ابني لوحده وانا قلقانه عليه
ميما: ماتقلقيش عليه البيبي سيتر بتاعتي معاه مش انتي سبتيه معها.
رورو بتوتر: اه معلش نسيت.

لاحظ الضابط ان توترها زاد اكثر واكثر عندما اتي دورها في اخذ بصماتها فتاكد انها هي السارقه
الضابط: ممكن تسمحو لنا نفتش الشنط تاني؟
رورو بعصبيه: هو ايه ده فيه ايه كده كتير يلا بينا يا بنات مش هنسمح لهم بالاهانه اكتر من كده.
الضابط: وانت زعلانه ليه كده الا اذا كنتي انت اللي سرقتي الفلوس.
فقامت السيدات كلهن في فزع ينظرون لها
دودو بصدمه: ايه لاء مش ممكن طبعا
جيجي بصدمه: عندك دليل على كلامك ده؟

ميما بصدمه: ايوه فين الدليل؟
الضابط: الدليل انا عرفت مكان الفلوس.
فوضعت رورو يدها على الحقيبه بطريق لا اراديه
الضابط وقد تيقن انها هي السارقه: تسمحي لنا نفتش الشنطه ونطلع الفلوس وتشفوها بعنيكو.
رورو بتوتر: دي اهانه وانا لايمكن اقبلها ابدا.
الضابط: لو انت بريئه خايفه من ايه ادينا الشنطه نفتشها ونثبت برأتك.
دودو: ايوه اديلو الشنطه واثبتي انك بريئه.
رورو بتوتر: لاء طبعا هو انا محتاجه اثبت برائتي ولا ايه.

فاشار الضابط للضابطه نهال ان تاتي لتفتش الحقيبه فاقتربت وحاولت اخذ الحقيبه من رورو لكنها رفضت تمام مما اثار دهشت الجميع
جيجي بصدمه: معقوله انت تسرقي يا رورو؟!
دودو بتعجب: انت اخر واحده ممكن نشك فيها ليه كده؟!
ميما بصدمه: لاء اكيد في حاجه غلط رورو مش ممكن تعمل كده ابدا.
وسط كل هذا الكلام ونظرات الجميع لها انهارت رورو وسقطت على الارض وانفجرت في البكاء.

رورو ببكاء: اعمل ايه يعني فلوسي خلصت وجوزي بطل يبعت فلوس وبابا وماما مقطعني وخلاص مش عارفه اعمل ايه جت في دماغي الفكره ونفذتها ولا عايزني يعني ابقي اقل منكم. وظلت تبكي اخذت الضابطه الحقيبه بحثت بها جيدا حتى وجدت الجيب السري واخرجت المال نظر الجميع لها بنظرت حزن واسي.

نهال باعجاب: ايه الذكاء ده عامله الجيب السري بذكاء شديد لولا اني متاكده من وجوده مكنش ممكن الاقيه يارتيك كنتي استعملتي الذكاء ده في مساعدة نفسك.
ميما بحزن: ليه مقولتيش لنا احنا اصحابك كنا هنساعدك.
رورو ببكاء: مش عايزه مساعده من حد ابعدو عني انتو السبب لازم اكون زيكم فكان لازم اعمل كده.

دودو: انت غلطانه احنا صحابك وكنا هنساعدك لكن انت ديما اللي بتغيري منا وعشان كده روحتي اتجوزتي الجوازه دي عشان ما نبقاش اتجوزنا قبلك وادي اخرتها.
ميما: ملوش لازمه الكلام دلوقتي خلاص هي كده هتاخد جزاء غيرتها وحقدها علينا اللي وصلتها للي بقت عليه الموضوع خلص.
واخذت السيادات نقودهم وذهبن وتم الامساك برورو واخذها معهم لاتمام التحقيقات ومحاكمتها على فعلتها.

تاااابع ◄من الجاني