تأفأف بحنق عندما وجدها اختفت كعادتها لكن مهلا ماذا
تقصد ب ولي العهد ما معني حديثها ذاك يا الله سينفجر عقله من كثرة التفكير.

تقف امامه بقوة لم يعهدها من اي مخلوق على وجه الارض
تنظر بعيناه بقوة لذلك هو يخشي النظر اليها حتى لا تتحكم بعقله

روح بهدوء: بلغني انك عايز تقابلني
شمهروس بجدية: واعتقد انك تعلمين لماذا اريدك
روح ببرود: وانا مش هنفذ
شمهروس بغضب: ستفعلي رغما عنك
روح بحدة وهي تقترب نحوه: انت عارف مين روح وعارف اني مش ملك حد وعارف اني مش بنفذ طلبات او اوامر لجان او انس انت فااهم.

نطقت جملتها الاخيرة بصوت عال ارعبه لكن لما لا فصوتها جهورى ومرعب جدا لكن كيف يهابها وهو ملك الجان ورئيسهم لكن هي تخيفه هو شخصيا.

يجلس هو بشرود ليردف فجأة: الخاتم ليكمل بتركيز: هو ده الحل انا لازم اعرف حكاية الخاتم ده
ما انصحكش
هتفت هي بذلك عند ظهورها
ليهتف هو بغضب: هتقولي لغز وتختفي يبقي اختفي من دلوقتي احسن عشان انا عفاريت الدنيا بتتنطط قدام وشي
روح بلا مبالاة: بس هنا مافيش عفاريت انا وانت لوحدنا انا مش شايفة عفاريت
نظر لها ولم يرد
لتتنهد هي قائلة: عايز تعرف ايه اللي بيحصل
اوما لها هو بصمت فالتعب بادي على وجهه.

روح بتنهيدة: النهاردة الساعة 12 الا دقيقة تاخد منوم فعال وتنام وهتفهم كل حااجة وهتقدر تربط الخيوط كلها مع بعض وصدقني هتفهم كل حاجة
داغر بتساؤل: ليه
روح بجدية: من غير ليه مادام عايز تعرف دي الفرصة الوحيدة
ثم وضعت يدها على وجهه لتردف بهدوء: ماتقلقش.

بالساعة الثانية عشر الا دقيقة كان يبتلع حبة المنوم لتدق الساعة الثانية عشر بالدقيقة فكان هو بنوم عميق بسبب مفعول المنوم
بنفس الوقت بنفس المكان الامطار الرعد البرق المكان
التقاطه للخاتم ليجدها بالفعل امامه لكنها اخذت منه
الخاتم بهدوء وامسكت بيده واغمضت عيناها لينتقلوا
فجأة إلى مكان غريب فوق جبل اسفله مياااه كثير لونها
لامع ليجد باب يفتح من المياه ليجدها تسحبه وقفزت به
داخل الباب ليغلق بعدها.

سكووون تااام لا يستطيع سماع اي شئ غير صوت ضخ المياه
فتح عينيه الذي اغمضهم فور سقوطهم داخل الباب
ليجدها تنظر له بابتسامة رقيقة لم يعهدها
لتتمتم بهدوء: هنا هتلاقي اجابات اسألتك.

دق هو جرس الباب لربما يستطيع مقابلة صديقه الذي اصبح غريب الاطوار
فتحت هي له بهدوء لتبتسم قائلة: سيف ازيك عامل ايه
نظر لها نظرة مطولة فهي شقيقة صديقه ومعشوقته من صغرها بالفعل يعشقها حد الجنون
ليبتسم قائلا: انا الحمدلله كويس ليردف بتساؤل: داغر موجود
اراميس بأسف وحرج: هو انا لسة داخلة عليه لقيتو نام اصل يعني يعني الساعة 12 ونص والوقت وكده.

تنحنح هو بحرج ليردف بأسف: انا آسف والله ماخدتش بالي من الوقت وكده وكنت عايز اتطمن عليه
اراميس بابتسامة: لا ولا يهمك
اوما لها بابتسامة وسلم عليها ورحل.

ظهر هو فجأة امام قبرها ليردف بحب: وحشتيني يا حبيبتي
هبطت دموعه على وجنته ليردف بحب شديد: انا اسف عارف اني السبب في موتك
ليشتد بكاؤه وهو يتذكرها ويتذكر كيف ماتت
ليهتف بعشق وبكاء والم: انا السبب انا السبب سامحيني يا تغريد سامحيني انا اللي قتلتك.

دلف هو يتفحص المكان بتعجب فهو ابيض اللون به شلال مياه ارضيته ماء صورة ماء لكنها صلب ارض لكن كلما ضغط بقدمه لاحظ تحركها، يري مخلوقات غريبة لكنها جميلة جميعهم ينظرون له بابتسامة يشعر بشعور غريب تجاه هذا المكان حتى وصل إلى باب مزخرف بالذهب والفضة ليفتح الباب فوجدها تضع يدها على كتفه لتتمتم بابتسامة: اهلا ب ولي العهد...!

بمجرد نطقها لهذه الجملة بدا وكأنه يشاهد فيلم سينمائي بدأ من اول اصطدامه بالخاتم ليجد ان هناك من لا يراهم ينظرون له بترقب شديد حتى التقاطه للخاتم لاحظها تقف امامه ومر منها كالهواء وهي ظلت واقفة بعد رحيله وهي تنظر له بغضب بعدها ذهب هو للمنزل وكانت معه بكل خطوة حتى دلف لغرفته ونام وجاء حلمه معها واستيقاظه وذهابه للشركة واخباره بأنه غاب شهر وموقفه مع شقيقته وظهورها له بالعربه بعد ذهابه لمكان الخاتم ومقابلته مع عهد ومقابلته معها حين اخبرته بأنه ولي العهد ومقابلته الاخيرة معها حين اخبرته بأنه سيعرف كل شئ كل هذا مر امام عينه لنقول بطريقة ادق داخل عينه فاق من شروده على صوتها وهي تتمتم بهدوء: دلوقتي كل حاجة بانت تقدر تسأل اي سؤال.

داغر بتساؤل: انتي بشر ولا جان
روح بتنهيدة: انا حكايتي طويييلة مش هتعرفها دلوقتي لكن عموما انا لا جان ولا بشر
اوما لها بتفهم ليردف بتساؤل: انا لسة مافهمتش ايه معني ولي العهد وايه دخل امي في الموضوع انا محتاج اعرف كل حاجة
روح بتنهيدة: كل حاجة وليها وقتها اللي تعرفها فيه ثم
اكملت بجدية: اما بالنسبة لمعني ولي العهد فا انا هحكيلك
تنهدت باسترجاع وهي تنظر للخاتم وتتلمسه لتردف:.

زماان كان سيدنا سليمان معاه الخاتم ده وكان فيه كل القوي اللي عندي وبعد ما سيدنا سليمان مات كان في راجل كان بيصطاد ولقي الخاتم ده في البحر وكان اسمو
اكملت بحذر: الحارثي
داغر بصدمة: الحارثي ده اللي هو جدي.

اومات له هي بجدية لتكمل قائلة: بعد ما الحارثي لقي الخاتم بدأ يستخدمو في الخير ويعمل بيه كل حاجة كويسة وعمرو ماستخدمه في الشر ابدا وفضل الخاتم يتنقل بين الحارثي والمحمدي وسالم ومهران وزاهر لحد ماوصل ليك انت
نظر هو لها بحيرة ليردف بتساؤل: مافيش حاجة وصلت ليا انتي اللي لابسة الخاتم
روح بتنهيدة: الحارثي يبقي جدك وجدي لتكمل بتذكر: اخو زاهر اللي هو عمار كان متجوز امي سارة وخلفني انا روح يعني انا وانت.

تحدث هو مكملا بتفهم: ولاد عم
روح بتأكيد: بظبط اما بقي ليه الخاتم ما اتسلمش ليك واتسلم ليا فا دول سببين السبب الاول لأن لأن نظر هو لها بتساؤل لتكمل بتوتر: لأن زاهر والدك مش من بني آدم
فتح مقلتي عينه بصدمة لتردف هي بسرعة: وانا كمان والدي مش من بني آدم.

تنهدت بألم لتكمل: الحارثي هو الاصل بعد ما لقي الخاتم طلعتلوا جنية بس من الجان الصالح اسمها زهرة وحبها واتجوزها لحد ما بقي النسل نص جان ونص بشر عندو قدرات البشر والجان بس انا وانت لا.

نظر لها بتساؤل لتكمل بجدية: انا وانت مختلفين لا احنا بشر ولا احنا جان انت تورثت كل القوي اللي عندي من غير الخاتم وانا تورثت القوي اللي عندي من الخاتم ومهما مالبستوش قويا مش بتروح عشان انت مولود بقواك لكن انا اخدت قوايا من الخاتم دول السببين لكن انا والدي من الجن الصالح انت والدك من الجن الصالح برضو بس بعدها كفر وبقا من الجان للشيطاني لكن انا والدي فضل مع الجان الصالح بس انت مش شيطان انت زيك زي واخد نفس صفات والدتك وماخدتش صفات والدك وكمان والدك خلفك وهو من الجان الصالح وبعدها بكتيير بقا من الجان الشيطاني.

داغر بحيرة: ياااه انا دماغي لفت ايه كل ده
روح بابتسامة: مع الوقت هتتعود
داغر بتساؤل: عرفتي منين اني ولي العهد
روح ببساطة: انا قبل كده حاولت انسيك اللي شوفته لما بصيت في عينك بس لقيت في عقلك ذكريات انت مش هتقدر تفتكرها غير في وقت معين وعرفت منها انك ولي العهد
داغر بتساؤل: طب وازاي ماروحتش الشركة لمدة شهر
روح متنهدة بجدية: كان انتقام.

نظر لها بدهشة لتتنهد قائلة: ملك الجان شمهروس عايز الخاتم ده ولما لقاك وعرف انك لبستو حب يعفرتك شوية
داغر بحيرة: بس انتي قولتي ان ماحدش يقدر يتحكم في قوي الخاتم غيرك
روح بتنهيدة: هو مايعرفش ده
اوما لها بتفهم
داغر بتساؤل: ليه في مرة قولتيلي تغريد اللي هي امي واختفيتي
روح بتنهيدة: فاكر والدتك ماتت ازاي
شرد هو بعقله ليتذكر ماذا حدث في هذا اليوم المشئوم
فلاش باك.

دلف هو للمنزل ليجد شقيقته تعد تورتة بالشوكولاتة ليردف هو بابتسامة: ايه ده التورتة دي لمين
اراميس بضحك: افسح التنين
نظر لها بامتعاض ليردف بانزعاج: الألش بتاعك وحش
اراميس بضحك: طب دوق الشي كده وانت هتاكل صوابعك وراه
لم تجد رد سوي «الشبشب» الطائر الذي اصتدم بوجهها وما ان فاقت حتى وجدت يد شقيقها تهبط على عنقها من الخلف لتصيح بألم: ااااه يا ابن ال قفااايا.

وظلت تركض ورائه وهو يغيظها حتى انتهوا واخبرته بأن هذه التورتة من اجل عيد ميلاد والدتهم وصعد هو لغرفة والدته ليجد اكثر مشهد مؤلم بحياته والدته معلقة بحبل ومشنوقه وبرقبتها سيف عليه علامات وارقام غريبة لم يستطع فهمها ظل هو مجمد من صدمته لا يعرف ماذا يفعل عقله لا يوجد به فاق على صرخة اراميس المدوية التي ما ان رأت المنظر سقط مغشي عليها عودة اغمض هو عينه بألم لهذه الذكرى.

فاق على يدها الذي تلمسه بحنان لتردف: الله يرحمها
اكملت باستياء: والدتك كانت طيبة جدا وكانت مطيعة لربنا ودايما ساجدة ليه واللي عمل كده مش بشر نظر لها
بصدمة لتهمس بتوتر: جان.

 

تااابع ◄ خاتم سليمان