المعلم شادي تاجر قماش من اكبر تجار القماش يظن نفسه الحاج متولي متزوج من ثلاثه زوجات ويسكنهم في منزل واحد لكل واحده شقه وفي احد الايام اتت اليه احد الفتايات اعجبته فقرر ان يتزوجها وقرر ان يخبر زوجاته وكان هذا يوم زوجته الاولي ساره وبعد ان تناول الغداء
شادي: بقولك يا ساره كلمي سوما وايه وقولي لهم في اجتماع في الشقه فوق هطلع اسبقكو وانت حصلوني.

صعد شادي الي الشقه واتصلت ساره بايه وسوما وابلغتهم بالامر واتفقتن ان يصعدن معا وبعد قليل صعدن وامام باب الشقه
ايه: ماتعرفيش يا ساره هو عايز ايه؟
سوما: اكيد مدام قالك انت تكلمينا يبقي قالك ليه.
ساره: معرفش بس ربنا يستر ومايكونش عايز يتجوز تاني.
سوما: يادي النيله بس عموما حاجه مش مستبعده عليه
ساره: طب يلا ندخل دلوقتي ونشوف
دخلن الي الشقه كان شادي يضع بعض الاشياء في الخزنه ورد بابها واتي اليهم.

شادي: اهلا بقمراتي اللي من غيرهم اهاتي حبيباتي يا ناس.
ساره: اه بدأ بالكلام الحلو ياتري وراك ايه؟
سوما: مدام بدأها غنا ربنا يستر
شادي: وانت مش هتقولي حاجه يا ايه
ايه: لا هقول ولا اعيد
شادي: طيب من الاخر انا هتجوز وجبت الشبكه للعروسه طقم الماظ زي اللي عندكو وحطيته في الخازنه
ساره: اه وسيبها مفتوحه
شادي: بقولك ايه انتو امان والحاجه معاكو تزيد عموما انا عرفتكو واول ما احدد المعاد هقولكو روحو بقي وسيبوني.

نزلن معا الي شقة سوما وجلسن
ايه: هتعملو ايه دلوقتي؟
سوما: ولا اي حاجه استنوا هبص على الثلاث بنات راضيه وفاهيمه وانعام واجلكو وتركتهم وذهبت
ساره: انا عارفه ايه العاده بتعتهم دي لازم يتجمعو مع بعض قبل ما يروحو
ايه: ما انت عارفه انهم اصحاب من قبل ما يجو يشتغلو هنا هما كويسين وشغلهم حلو ومش نقالين كلام بس عبهم بيرمو وداهم ويتسنطو على اي كلام بنقوله.

ساره: مدام مش بيضايقونا مش مهم سيبك منهم عندك فكره نمنع بيها المعلم من الجواز
اتت سوما في هذا الوقت واقتربت منهم
سوما: ايه رايكو نسرق طقم الالماظ اللي جايبه وكل واحده منا عندها واحد زيو يعني هتحطو مكانه وتخبي التاني ومحدش هيعرف
ساره: شكلك مخك لسع ما هيروح يجيب غيره انا هنزل زمانه نازل بدل ما يزعق وبكره نتكلم
وفي اليوم الثاني كان المعلم شادي يجلس في المحل ورن هاتفه.

شادي: اهلا الباشا كبير وحشني سالتلي على البنت ولا لسه؟
الباشا: ايوه يا سيدي دي بنت سكه واي كلام سيبك منها
شادي: ماشي يا باشا انا كنت عارف ان انت اللي هتعرف تجبلي قرارها تسلم
وبعد ان عاد جمع زوجاته ليخبرهم بالامر وصعد لشقته وانتظرهم وصعدن جميعا ودخلان
شادي: اعدو هقلوكو كلمتين، (فرن هاتفه)، هرد على التليفون واكمل معاكو كلام.

جلس الثلاث زوجات ينظرن لبعض واذا بصوت صراخ من شقة ساره فنزل الجميع بسرعه حتى شادي وتركو باب الشقه مفتوح وجدو حريق بسيط وتم انهؤه بسرعه وعاد شادي للشقه ليغلقها فاذا بالخزنه مفتوحه وطاقم الالماظ مسروق فجمع كل من بالمنزل من زوجاته وخادمات
شادي: طقم الالماظ اتسرق وانا عايز اعرف مين اللي سرقه
ساره: واحنا نسرقه ليه كل واحده فينا عندها زيه
شادي: عشان تبوظه الجوازه
ايه: طب ما انت ممكن تجيب غيره وتكملها بردو.

شادي: انت يابت انتي وهي مين فيكو اللي سرقت الطقم
انعام: انا كنت في المطبخ والنار كانت هتمسك فيا اسرقه ازي يعني؟
راضيه: وانا كنت بدعك الحمام وخرجت على صوت الصريخ بتاع انعام.
فاهيمه: وبعدين احنا نعرف منين انك جايب طقم الماظ اصلا احنا مش بنطلع فوق اصلا.
شادي: بس ودانكو حلوه وبتتسنطو وتعرفو كل حاجه بتحصل ويطلعو الطقم بالزوق يا اما هجيب البوليس وهو يتصرف.

كانت الفتايات خائفات ولم تعترف اي واحده منهم وكان شادي يفكر من هي التي سرقت الطقم ولايريد ان يطلب الشرطه فهذا سيسبب له فضيحه فجلس يفكر من منهم سرقت طاقم الالماظ
ويا تري انت عرفتو مين اللي سرقت طاقم الالماظ؟

 
حل لغز الجريمة

اجتمعت الثلاث زوجات في شقة ساره وبدأن في الحديث
ساره: انت وهي في حد منكم هو اللي اخد الطقم؟
ايه: ما انتو قولتو انها فكره وحشه ومتنفعش.
سوما: طب لو مش واحده فينا تبقي البنات الشغالات محدش غيرهم بيدخل البيت.
ساره: اسمعو احنا هنوقع قلبهم في رجليهم الاول ونخليهم يعترفو.
ايه: ازي بقي ان شاء الله؟

ساره: هنقول ان الطقم فلسو وعشان كده المعلم كبر دماغه ومبلغش البوليس فاللي سرقته هتحس انها هضيع نفسها على الفاضي فهترميه واحنا بقي نقفشها وهي بترميه.
سوما: تعالو نطلع نبلغ المعلم بالفكره دي ونشوف رايه.
ساره: وافرضي يا فلحه بقي انه شاكك فينا احنا؟
سوما: معتقدش هو عارف ان محدش منا يعمل كده.
ايه: وحتي لو شاكك ده هيطمنه.
فتحرحن وذهبن الي المعلم شادي واخبرنه بالامر واعجبته الفكره.

شادي: بصي يبقي انت وهي هو فعلا الطقم فلسو وانا كنت قاصد وعشان كده مكنتش بهتم اقفل الخزنه لكن اللي عملت كده مش واحده لوحدها لما فكرت لقيت لازم تكون اكتر من واحده واحده تشغلنا والتانيه تسرق.
ساره: تقصد فهيمه وانعام؟
شادي: ايوه فهيمه استنت لما ننزل كلنا ساعت انعام صوتت ودخلت سرقته ولو روحتو فتشتوهم دلوقتي هتلاقو الطقم معاهم.
ايه: انما انت مقولتش ليه جايبه فلسو؟

شادي: كنت شاكك في العروسه وعموما خلاص الموضوع اتفشكل بس الفكره موجوده.
ساره: ماشي خليها موجوده هننزل نشوف البنان ونفتشهم.
ونزلت الثلاثه وجدن الفتايات يتستعد للذهاب فافتشوهم تفتيش دقيق ووجدن الطاقم مع فاهيمه وانعام
ساره: يعني دي اخرتها يا انعام تسرقيني؟
انعام ببكاء: انا كان قصدي ابوظ الجوازه.
ساره: كدابه وعموما كتكو خيبه الطقم فلسو ومقسمينه كل واحده واخده منه حبه انت وهي متجوش هنا تاني خلاص.

حاول الفتاتان ارضاء السيدات لكن دون فائده وتم طردهم بلا رجعه.

تاااابع ◄من الجاني